Касмічны Ярыла — у Мінску з'явілася вялікае графіці паганскага бога ў сучаснай апрацоўцы ФОТА
Сёння ў Мінску з'явілася яшчэ адно этнічнае графіці. На вуліцы Рабкораўская, 13 іспанскі мастак Deih намаляваў паганскага бога Ярылу такім, якім ён яго бачыць.
Мурал быў намаляваны ў межах фестывалю Urban Myths, дзякуючы якому летась на мінскай шматпавярхоўцы з'явілася графіці дзяўчыны ў вышыванцы. Ажыццявіць сёлетні мурал атрымалася пры падтрымцы кампаніі Targetprocess.
Іспанскі мастак спрабаваў перадаць сувязь бога з сонцам, кветкамі, урадлівасцю і вясной. Для таго каб уявіць, а пасля намаляваць вобраз Ярылы, Deih шмат часу вывучаў паганства. Гэта можна пабачыць у некаторых дэталях графіці.
Праект Urban Myths існуе за ахвяраванні ахвотных пабачыць прыгожыя графіці ў Беларусі. Кожны год з'яўляецца ўсё больш графіці, а іх маляванне каштуе вялікіх грошай. Даведацца, як падтрымаць праект, можна напісаўшы на мэйл [email protected].
Каментары