Паплечнік Меркель вітае магчымае ўступленне Шатландыі ў ЕС
Еўрапейскі Саюз будзе вітаць уступленне ў супольнасць незалежнай Шатландыі.
Пра гэта заявіў старшыня камітэта Бундэстага па справах ЕС і паплечнік Ангелы Меркель Гюнтэр Крыгбаўм, перадае Reuters.
«ЕС па-ранейшаму будзе складацца з 28 дзяржаў-членаў, як я чакаю пасля новага рэферэндуму аб незалежнасці Шатландыі, які будзе паспяховым», — сказаў Крыгбаўм.
«Мы павінны будзем хутка рэагаваць на заяўку на ўступленне ў ЕС ад сяброўскай краіны», — дадаў ён.
Як паведамлялася, першы міністр Шатландыі Нікола Стэрджэн заявіла, што Шатландыя зробіць усё магчымае, каб застацца ў ЕС, у тым ліку накласці вета на рашэнне аб выхадзе Вялікабрытаніі з ЕС.
Як вядома, у Шатландыі 67,2% выбаршчыкаў прагаласавалі за тое, каб Вялікабрытанія засталася ў ЕС.
На рэферэндуме 2014 года на падтрымку незалежнасці Шатландыі прагаласавалі толькі 45% выбаршчыкаў, а супраць — 55%. Аднак новыя апытанні грамадскай думкі паказваюць рост падтрымкі незалежнасці Шатландыі.
Цяпер чытаюць
Ад прыватнікаў патрабуюць завесці ідэолага ў штаце — распыталі, што робяць кампаніі19
Каментары