У Мінскім аблвыканкаме плануецца на 20% скараціць колькасць работнікаў. Такую лічбу назваў старшыня аблвыканкама Сямён Шапіра ў інтэрв'ю праграме «Контуры» на тэлеканале АНТ.
Па словах чыноўніка, у аблвыканкаме цяпер працуюць 493 чалавекі. Скараціць у ім плануецца каля 100 чалавек. Гэтыя прапановы, кажа Шапіра, перададзеныя ў Адміністрацыю прэзідэнта.
Таксама кіраўнік аблвыканкама заявіў, што колькасць работнікаў у райвыканкамах мяркуецца скарціць прыкладна на 10%. Па яго словах, скарачаць плануецца не прафесіяналаў, а абслугоўвы і дапаможны персанал — бухгалтараў, эканамістаў, кадравікоў. Шапіра дадаў, што ў райвыканкамах Міншчыны у сярэднім працуюць ад 50 да 80 чалавек.
Цяпер чытаюць
Хто такі Мацвей Бяляй, якога нібыта дэпартавалі ў Беларусь? Расказваем гісторыю дзіўнага актывіста з падазроным мінулым6
Каментары