Прэзідэнт непрызнанай Прыднястроўскай Малдаўскай рэспублікі (ПМР) Яўген Шаўчук выдаў указ аб падрыхтоўцы да далучэння да Расіі. Дакумент апублікаваны на сайце прыднястроўскага лідара.
Указ выдадзены для рэалізацыі вынікаў рэспубліканскага рэферэндуму, які адбыўся 17 верасня 2006 года. Нарматыўны акт неабходны для выканання «волі народу Прыднястроўя па свабодным далучэнні да Расійскай Федэрацыі».
У ліку прыярытэтных задач Шаўчук назваў прывядзенне прававой сістэмы рэспублікі ў адпаведнасць з расійскім заканадаўствам. Урад ПМР павінен у двухтыднёвы тэрмін стварыць для гэтага спецыяльную камісію, а да 1 лістапада прыднястроўскаму лідару павінны даць канкрэтны план па сінхранізацыі заканадаўстваў.
У сваю чаргу Бюро па рэінтэграцыі пры ўрадзе Малдовы назвала ўказ Шаўчука несапраўдным і небяспечным.
«Ён быў выдадзены неканстытуцыйным органам на падставе праведзенага незаконна на частцы тэрыторыі Рэспублікі Малдова рэферэндуму», — гаворыцца ў заяве. Па словах малдоўскіх чыноўнікаў, ініцыятыва прэзідэнта ПМР падрывае намаганні па ўрэгуляванні канфлікту.
***
Прыднястроўе абвясціла незалежнасць у пачатку 1990-х. Расія аказвае непрызнанай рэспубліцы эканамічную дапамогу (паводле ацэнак экспертаў, штогадовая дапамога супастаўная з ВУП Прыднястроўя, складае каля мільярда даляраў). У той жа час прыналежнасці гэтай тэрыторыі да Малдовы Расія да гэтага часу афіцыйна не аспрэчвала.
У верасні 2006 года ў Прыднястроўі адбыўся рэферэндум, падчас якога большасць выбаршчыкаў падтрымалі курс на незалежнасць з наступным далучэннем да Расіі.
-
Расія паскардзілася ў ЮНЕСКА на фільм, які атрымаў «Оскара». Кажуць, што не падумалі пра дзяцей
-
Польскі суд адобрыў экстрадыцыю вядомага расійскага археолага ва Украіну. Яго вінавацяць у незаконных раскопках у Крыме
-
Кіраўнік «Альтэрнатывы для Германіі» Аліса Вайдэль заклікала да паставак нафты з Расіі
Цяпер чытаюць
Ад прыватнікаў патрабуюць завесці ідэолага ў штаце — распыталі, што робяць кампаніі13
Каментары