64 гады таму Менск быў вызвалены Чырвонай Арміяй ад нацыстаў.
Менавіта гэтую дату і вынес на рэферэндум 1996 года Аляксандр Лукашэнка з прапановай зрабіць яе галоўным дзяржаўным святам.
Да таго часу Дзень незалежнасці на дзяржаўным узроўні святкаваўся 27 ліпеня. У гэты дзень у 1990 годзе Вярхоўны Савет БССР прыняў дэкларацыю аб дзяржаўным суверэнітэце Беларусі. Гэта быў значны крок да незалежнасці, абвешчанай у 1991 годзе.
Таксама беларускімі дэмакратычнымі сіламі традыцыйна святкуецца 25 сакавіка Дзень Волі — у 1918 годзе ў Мінску была абвешчаная дзяржаўная незалежнасць Беларускай Народнай Рэспублікі.
Сёння па ўсёй краіне пройдуць святочныя мерапрыемствы, парады і народныя гулянні.
Каментары