На 63-м годзе жыцця памёр генерал-маёр міліцыі ў адстаўцы, дырэктар дэпартамента бяспекі Беларусбанка Іван Сяргей. Інфармацыю пра гэта пацвердзілі крыніцы ў банкаўскіх колах.
Інфармацыя пра смерць Сяргея размешчана таксама на сайце Акадэміі МУС, начальнікам якой Сяргей быў у 2008—2009 гадах.
Прычына смерці невядомая.
***
Іван Сяргей скончыў Мінскую вышэйшую школу МУС СССР у 1986 годзе. Працоўную кар'еру пачаў у Шчучынскім РАУС з пасады ўчастковага інспекцыі па справах непаўналетніх. Затым у гэтым жа раённым аддзеле ўнутраных спраў займаў шэраг кіруючых пасад, у тым ліку начальніка РАУС.
У далейшым даслужыўся да кіраўніка міліцыі Магілёўскай і Мінскай абласцей. У 2008 годзе стаў начальнікам Акадэміі МУС.
У канцы 2009 года быў звольнены з органаў унутраных спраў. Узнагароджаны медалямі «За бездакорную службу» ўсіх ступеняў.
Неўзабаве пасля пераходу на грамадзянcкае жыццё стаў памочнікам старшыні праўлення Беларусбанка, у пачатку 2011 года стаў дырэктарам дэпартамента бяспекі найбуйнейшага банка краіны. Кантраляваў барацьбу з карупцыяй, правапарушэннямі, ўзаемадзейнічаў з сілавымі ведамствамі па пытаннях бяспекі працы банка.
Цяпер чытаюць
Учора Мінск зноў затапіла. Чаму сталіца не гатовая да дажджоў?2
Каментары