Гарадскія ўлады разглядаюць магчымасць зрабіць уезд у цэнтр Мінска платным для ўсіх.
Пра гэта, як паведамляюць «Мінск-Навіны», паведаміў 21 снежня старшыня Мінгарвыканкама Андрэй Шорац падчас прэс-канферэнцыі ў гарадской ратушы.
Ён растлумачыў, што на працягу бліжэйшых гадоў узровень аўтамабілізацыі ў горадзе можа наблізіцца да крытычнага.
— Мы ўжо паўгода вывучаем гэтую тэму, — адзначыў А. Шорац. — Ёсць розныя тэхнічныя сродкі, як гэта зрабіць, і розныя падыходы. Адны спецыялісты прапануюць зрабіць нязручным праезд праз цэнтр горада і выкарыстоўваць 1-е і 2-е транспартныя кольцы, каб знізіць аўтамабільныя патокі. Іншыя — абмежаваць ўезд на МКАД або зрабіць яго платным для грузавога транспарту. Ёсць прапанова зрабіць платным ўезд у цэнтр Мінска для ўсіх удзельнікаў руху. Наша галоўная задача — зрабіць рух на грамадскім транспарце больш зручным, камфортным і хуткім, чым на асабістых аўтамабілях.
«Магчыма, зробім ўезд у цэнтр Мінска платным для ўсіх, выкарыстоўваючы сістэму BelToll, — падсумаваў А. Шорац. — І кожны ўдзельнік руху будзе разумець, што, заязджаючы ў пэўную зону, ён павінен заплаціць».
Каментары