Абраны прэзідэнт ЗША Дональд Трамп у інтэрв'ю брытанскай газеце Times заявіў, што гатовы прапанаваць прэзідэнту Расіі Уладзіміру Пуціну зняцце санкцый у абмен на скарачэнне ядзерных арсеналаў.
Трамп ў інтэрв'ю таксама раскрытыкаваў расійскую кампанію ў Сірыі, заявіўшы, што яна прывяла да «жудаснай гуманітарнай сітуацыі».
«Супраць Расіі ўведзеныя санкцыі — давайце паглядзім, ці нельга дамагчыся добрых дамоўленасцей з Расіяй, — цытуе абранага прэзідэнта Times. — Для пачатку, я лічу, што ядзерную зброю трэба скарачаць, і скарачаць вельмі істотна, гэта магло б быць складовай часткай гэтага працэсу. Аднак Расія цяпер моцна пакутуе з-за санкцый, а я думаю, што можа адбыцца нешта такое, ад чаго шмат людзей выйграюць».
Трамп заявіў, што пачне сваю дзейнасць на пасадзе прэзідэнта ЗША з таго, што будзе давяраць Пуціну і канцлеру Германіі Ангеле Меркель, але доўга гэта можа і не працягнуцца.
Меркель ён раскрытыкаваў за «катастрафічную памылку», якую яна зрабіла, дазволіўшы мільёнам мігрантаў прыехаць у Германію.
Цяпер чытаюць
Хто такі Мацвей Бяляй, якога нібыта дэпартавалі ў Беларусь? Расказваем гісторыю дзіўнага актывіста з падазроным мінулым6
Каментары