Абраны прэзідэнт ЗША Дональд Трамп заявіў у інтэрв'ю Washington Post, што ён збіраецца замяніць Obamacare - ключавы праект рэформы аховы здароўя Барака Абамы - на «страхаванне для ўсіх».
Паводле яго слоў, план па замене праграмы медыцынскага страхавання, прынятай за час прэзідэнцтва Барака Абамы, амаль гатовы.
Трамп адмовіўся паведаміць дэталі новай праграмы медыцынскага страхавання, адзначыўшы толькі, што яго план прадугледжвае «меншыя сумы і нашмат меншыя выдаткі».
Трамп збіраецца афіцыйна прадставіць новую праграму медыцынскага страхавання ў пятніцу, пасля інаўгурацыі.
У размове з журналістамі Трамп таксама заявіў, што ўрад будзе наўпрост абмяркоўваць з фармацэўтычнымі кампаніямі цэны на лекі.
Паводле яго слоў, фармацэўтычныя кампаніі да гэтага часу карысталіся «палітычнай абаронай», але больш гэтага не будзе, паабяцаў Трамп.
Цяпер чытаюць
Хто такі Мацвей Бяляй, якога нібыта дэпартавалі ў Беларусь? Расказваем гісторыю дзіўнага актывіста з падазроным мінулым6
Каментары