Расійскі тэлежурналіст і каардынатар руху «Адкрытая Расія» Уладзімір Кара-Мурза-малодшы, які быў шпіталізаваны 2 лютага з сімптомамі атручвання, знаходзіцца ў крытычным стане. Пра гэта напісаў у фэйсбуку яго адвакат Вадзім Прохараў.
Паводле яго слоў, «прычыны крытычнага стану медыкам не ясныя».
«У цяперашні час Валодзя не ў свядомасці. Наступіла паліорганная недастатковасць. Праводзіцца штучная вентыляцыя лёгкіх, гемадыяліз і іншыя рэанімацыйныя працэдуры», — паведаміў Прохараў.
Аб шпіталізацыі Уладзіміра Кара-Мурзы-малодшага стала вядома 2 лютага. Вадзім Прохараў распавёў, што сімптомы падобныя з сімптомамі атручэння, з якімі палітык трапіў у рэанімацыю вясной 2015 года.
Тады экспертыза выявіла ў яго арганізме павышаную канцэнтрацыю цяжкіх металаў; пацярпелы сцвярджаў, што супраць яго выкарыстоўвалі рэчыва, доступ да якога маюць толькі прадстаўнікі спецслужбаў.
Цяпер чытаюць
Хто такі Мацвей Бяляй, якога нібыта дэпартавалі ў Беларусь? Расказваем гісторыю дзіўнага актывіста з падазроным мінулым2
Каментары