12 cтудзеня ў мінскім караоке-клубе «Багема» спявачку Сашу Салавейчык збіў грамадзянін Казахстана. Сёння ў судзе Цэнтральнага раёна прайшоў разгляд адміністратыўнай справы і вынесены прысуд.
Нагадаем, што ў выніку канфлікту дзяўчына атрымала кулаком у вока.
Абвінавачаны Іван Маеўскі на суд не з'явіўся. У выніку грамадзянін Казахстана быў асуджаны па першай частцы Артыкула 9.1. КаАП РБ — наўмыснае прычыненне лёгкага цялеснага пашкоджання, якое не пацягнула кароткачасовага расстройства здароўя. Абвінавачаны мае выплаціць 15 базавых. Гэта максімальнае пакаранне па дадзеным артыкуле.
У паказаннях грамадзянін Кахахстана віну прызнаў.
Саша Салавейчык сказала «Нашай Ніве», што задаволеная прысудам: «Іван Аляксандравіч [Маеўскі] ужо панёс маральнае і фізічнае пакаранне ў выглядзе 5 невыносных сутак зняволення. Да суда ў мяне няма прэтэнзій, гэта максімальнае пакаранне па такім артыкуле, а вось да заканадаўства пытанні ёсць. Якраз сёння мой сябар радасна заплаціць дзяржаве 50 базавых за тое, што з'явіўся ў ваенкамат на тыдзень пазней за прызначаны тэрмін. Што называецца, адчуйце розніцу. Мне здаецца, варта ўнесці папраўкі ў кодэкс адміністрацыйных правапарушэнняў».
Салавейчык мае намер падаць у іншы суд пазоў, які тычыцца маральнай шкоды.
Саша Салавейчык — беларуская спявачка і блогерка. У 2003 годзе перамагла на дзіцячым «Славянскім базары», двойчы брала ўдзел у нацыянальным адборы на «Еўрабачанне», удзельнічала ў расійскім тэлешоу «Голас». Апошнія гады займалася сольнай кар'ерай і дапамагала ў вядзенні бізнэсу рэстаратару Вадзіму Пракоп'еву.
Цяпер чытаюць
Хто такі Мацвей Бяляй, якога нібыта дэпартавалі ў Беларусь? Расказваем гісторыю дзіўнага актывіста з падазроным мінулым2
Каментары