Агілеры — спадніцу, Лэдзі Гага — ласіны. Як на Блізкім Усходзе цэнзуруюць вокладкі
Зоркі поп-музыкі, такія як Лэдзі Гага, Мадонна і Кэці Пэры, папулярныя не толькі на Захадзе, але і на Блізкім Усходзе. Аднак заходнія стандарты адкрытасці і грамадскай маралі ў рэгіёне недапушчальныя.
У многіх мусульманскіх краінах жанчына павінна выконваць ісламскія традыцыі, згодна з якімі любая частка цела, акрамя рук і твару, мусіць быць схавана. Гэта датычыцца і вокладак да дыскаў.
Напрыклад, у Саудаўскай Аравіі за сціпласцю вокладак сочыць «Мутава» — шарыяцкая гвардыя Камітэта па заахвочванні дабрачыннасці. Каб не спакушаць розумы пабожных людзей, поп-зорак «апранаюць» і «затуляюць». Прыклады цэнзуры на Блізкім Усходзе сабрала выданне Business Insider.
Крысціне Агілеры прыйшлося змяніць джынсы на модную, але цнатлівую спадніцу, а заадно надзець сціплую футболку.
Джэніфер Пэйдж таксама змяніла топ на футболку.
А Кайлі Міноўг прыйшлося наогул кардынальна змяніць імідж. Ніякіх легкадумных павязачак з гуллівым поясам — Камітэт па заахвочвання дабрачыннасці «надзеў» на спявачку спадніцу і прыкрыў усё астатняе накідкай.
Мабыць, у «Мутаве» прыйшлі да высновы, што «пераапрануць» Брытні Спірс зойме нямала часу, таму прынялі простае і вытанчанае рашэнне — адкадрыравалі твар і паставілі яго на вокладку.
Шакіра падпала пад тую ж працэдуру.
А вось з вокладкай да дыска «Oral Fixation vol. 2», якую часопіс Maxim назваў адной з самых сэксуальных у гісторыі, прыйшлося павазіцца. У графічным рэдактары дрэва «пусціла» галіны, і ў выніку спявачка апынулася амаль цалкам прыкрытая лісцем.
Лёгкімі рухамі інструментаў у Photoshop на нагах Лэдзі Гага з'яўляюцца чорныя ласіны, а шар павялічваецца ў памерах.
Для Кэці Пэры спатрэбілася больш аблокаў…
… а для Крысціны Агілеры — кветка большага памеру.
Магчыма, у шарыяцкай паліцыі не ведаюць, пра што спявае Мадонна. Бо нават калі нацягнуць на спявачку штаны і майку з доўгім рукавом, тэкст яе песень ад гэтага не зменіцца — а вось ён і здольны пасеяць сумневы ў нявінных і чыстых думках людзей.
Цяпер чытаюць
Ад сачэння за топ-менеджарамі да пікантных драм ХІХ стагоддзя. Як працуе дэтэктыўнае агенцтва «Рэкс» Аляксандра Азарава6
Ад сачэння за топ-менеджарамі да пікантных драм ХІХ стагоддзя. Як працуе дэтэктыўнае агенцтва «Рэкс» Аляксандра Азарава
Фядута рэзка адказаў Калеснікавай: За што вы змагаліся ў 2020 годзе, не цікавіць нікога, акрамя мядзведзяў з берлінскага заапарка, якія вас атачаюць4444
Каментары