Нацыянальныя ўзброеныя сілы Латвіі гатовыя да магчымых правакацый падчас расійска-беларускіх вайсковых вучэнняў «Захад», што павінны прайсці ў верасні, запэўнілі газету Diena ў Міністэрстве абароны.
Хоць міністэрства 2 жніўня атрымала запрашэнне накіраваць на вучэнні двух назіральнікаў з Латвіі, гэта яшчэ не азначае, што будзе забяспечана адкрытасць і празрыстасць вучэнняў, піша выданне. Пра тое, што падчас вучэнняў магчымыя правакацыі, публічна выказаліся і камандуючы войсками Латвіі Леанід Калніньш, і міністр абароны Райманд Бергманіс.
У Міністэрстве замежных спраў Латвіі заявілі, што, хоць сцэнар вучэнняў прадугледжвае тэрытарыяльную абарону Расіі і Беларусі, з улікам сцэнарыяў ваенных вучэнняў «Захад-2009» і «Захад-2013» галоўная праблема на сёння — адсутнасць празрыстасці.
Цяпер чытаюць
ЗША паведамілі, што вызваленне палітвязняў у Беларусі «адкладзенае на некаторы час»24
Каментары