У пятніцу ў судзе Цэнтральнага раёна пачаліся спрэчкі ў працэсе топ-менеджараў Беларусбанка, былога першага намесніка старшыні праўлення Беларусбанка Генадзя Гаспадарыка і начальніка ўпраўлення Мікалая Цырто. Першы абвінавачваецца ў атрыманні хабару і ў злоўжыванні службовымі паўнамоцтвамі (па гэтым артыкуле абвінавачаны сваю віну не прызнае), Цырто абвінавачваюць таксама ў дачы хабару і падбухторванні да яе.
Дзяржабвінаваўца Юрый Шарснёў адзначыў, што карупцыйныя злачынствы, здзяйсняныя высокімі службовымі асобамі, наносяць шкоду інтарэсам дзяржавы і запрасіў для Гаспадарыка 7 гадоў 6 месяцаў узмоцненага рэжыму з канфіскацыяй, для Цырто — у сукупнасці 9 гадоў з канфіскацыяй.
Шарснёў нагадаў, што і сам Гаспадарык прызнаў віну ў атрыманні хабару і добраахвотна выдаў аблігацыі, набытыя на атрыманыя сродкі. Цырто віну прызнаў часткова, пры гэтым адзначыўшы, што, да прыкладу, хабар ад бізнэсоўца Аляксандра Бучнева ня вымагаў.
Кампанія Бучнева пры гэтым закупляла падліковыя машыны прыкладна ўдвая танней, чым прадавала іх Беларусбанку, што давала магчымасць даваць такія буйныя хабару, адзначыў дзяржабвінаваўца.
Мікалай Цырто, фота Сяргея Гудзіліна
Нагадаем, што раней у судзе давалі паказанні супрацоўнікі Беларусбанка і пастаўшчыкі. Таксама былі заслуханы паказанні галоўнага сведкі і па сумяшчальніцтве «хабарадавальніка» Аляксандра Бучнева. Усяго ў спісе сведак - 46 чалавек, матэрыялы справы складаюць больш за 10 тамоў.
Былы першы намеснік старшыні праўлення Беларусбанка Генадзь Гаспадарык, затрыманы ў чэрвені мінулага года, абвінавачваецца ў здзяйсненні злачынстваў, прадугледжаных ч. 2 і ч. 3 арт. 430 ( «Атрыманне хабару альбо ў асабліва буйным памеры, альбо арганізаванай групай, альбо асобай, якая займае адказнае становішча», максімальныя санкцыі па гэтым артыкуле - ад пяці да пятнаццаці гадоў з канфіскацыяй маёмасці), а таксама ў злоўжыванні службовымі паўнамоцтвамі (ч. 2 і 3 арт. 424). Па дадзеных следства, Гаспадарык у 2010-2015 гадах атрымаў хабару на суму больш за 215 тысяч даляраў. Адкаты былі ад некалькіх кампаній (у справе па большасці эпізодаў фігуруе іх прадстаўнік Бучнеў) за перамогу ў тэндарах на пастаўку банкаўскага абсталявання. Па ўсіх сямі эпізодах, звязаных з атрыманнем хабару, абвінавачаны прызнаў сваю віну. Абвінавачванні ў злоўжыванні службовымі паўнамоцтвамі Гаспадарык не прызнаў.
Начальнік упраўлення Мікалай Цырто падазраецца ў здзяйсненні тых жа злачынстваў, што і Гаспадарык, а таксама ў дачы хабару (ч. 2 арт. 431), падбухторванні да дачы хабару (ч. 5 арт. 16 і ч. 2 арт. 431). Сума атрыманых хабараў - каля 500 тысяч долараў. Мікалай Цырто заявіў, што сваё стаўленне да абвінавачванняў ён выкажа ў ходзе допыту.
Паводле інфармацыі КДБ, Генадзь Гаспадарык быў затрыманы ў сярэдзіне чэрвеня ў момант атрымання хабару ў памеры 14 тысяч даляраў. Пазней кіраўнік КДБ Валерый Вакульчык заявіў, што рэальныя сумы, атрыманыя топ-менеджарам Беларусбанка ў якасці хабару, «нашмат больш».
Каментары