Гран-пры «Золата Лістапада-2017» за найлепшы фільм атрымала карціна «Лістапад» (Эстонія, Нідэрланды, Польшча), перадае карэспандэнт БелТА з цырымоніі ўзнагароджання пераможцаў XXIV Мінскага міжнароднага кінафестывалю «Лістапад».
Рэжысёр фільма-пераможцы Райнер Сарнет, прымаючы ўзнагароду, адзначыў, што, працуючы над карцінай, яе стваральнікі хваляваліся, ці будзе яна зразумелая іншым этнасам, бо здымалі на аснове эстонскай народнай міфалогіі. Таму ён рады, што фільм добра прыняты і высока ацэнены.
У гэтай карціны таксама прыз «За найлепшае гукавое (музычнае) рашэнне фільма» і прыз «За найлепшую аператарскую работу імя Ю.А. Марухіна».
Прыз «За найлепшы сцэнар» журы прысудзіла Асіфу Рустамаву, Ільгару Наджафу, Рулофу Яну Мінебо - карціна «Гранатавы сад», рэжысёр Ільгар Наджаф (Азербайджан).
Найлепшую мужчынскую ролю, на думку журы, сыграў Майнхард Нойман ў фільме «Вестэрн», рэжысёр Валеска Грызебах (Германія, Балгарыя, Аўстрыя), а найлепшую жаночую - Ірына Гарбачова ў карціне «Арытмія», рэжысёр Барыс Хлебнікаў (Расія, Фінляндыя, Германія).
У «Арытміі» таксама спецыяльны прыз журы.
Узнагароду за найлепшую рэжысуру атрымаў Шарунас Бартас - фільм «Шаць» (Літва, Францыя, Польшча, Украіна). Акрамя таго, дыпломы асноўнага конкурсу атрымалі акцёр Гурбан Ісмаілаў («Гранатавы сад») і найлепшая пара - Вераніка Лін і Альда Найт з фільма «Кандэларыя», рэжысёр Джоні Хендрыкс Інестроса (Калумбія, Германія, Нарвегія, Аргенціна, Куба).
XXIV Мінскі міжнародны кінафестываль «Лістапад» праходзіў з 3 па 10 лістапада.
28‑гадовай беларусцы пасля жудаснай аварыі ў Тайландзе не могуць аказаць дапамогу — няма патрэбнай крыві1
Каментары