Аляксандр Лукашэнка даручыў да 20 снежня прадставіць канчатковы праект бюджэту на 2018 год. Пра гэта ён заявіў на нарадзе па выніках эканомікі за 2017 год і прагнозах на 2018-ы, піша БелТА.
«Дапрацавалі праект бюджэту з улікам абмеркавання і ў завізаваным выглядзе адпраўце ў Адміністрацыю прэзідэнта, каб я падпісаў і накіраваў у парламент. Калі мы тут абмяркуем і прымем, дэпутаты супраць не будуць. Тым больш што яны ўцягнутыя. Вы ім раскажыце пра абмеркаванне, пра прынцыповыя пытанні. Упэўнены, што яны мяне падтрымаюць, бо мы з імі на адной шахматнай дошцы: лепш людзям — лепш нам», - адзначыў Аляксандр Лукашэнка.
У цэлым Аляксандр Лукашэнка станоўча ацаніў праект бюджэту. «Усё пралічана нармальна. У асноўным усё правільна сказана. Але зазямліцеся. Скокніце з верхатуры на зямлю. Людзі хочуць нармальна жыць», - падкрэсліў Лукашэнка. Ён даручыў адшукаць сродкі, каб падтрымаць бюджэтных работнікаў і найбольш неабароненыя слаі насельніцтва.
У якасці асноўных параметраў для разліку праекта бюджэту на 2018 год прыняты кансерватыўны сцэнар знешніх умоў, пры якім тэмп росту ВУП Беларусі — 1,2%, сярэднегадавыя параметры: інфляцыя — 7,4%, стаўка рэфінансавання — 11% гадавых, цана на нафту — $43 за бараль, курс даляра — Br2,038 і 62,3 расійскага рубля.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі73
Каментары