Штотыдзень мы дзелімся з вамі талковымі профілямі. Для натхнення і не толькі.
Мінчанцы Ганне Гаўрыльчык 21 год, яшчэ нядаўна яна вучылася на менеджарку, але на 2 курсе БДУКіМ зразумела, што гэта не яе, спыніла навучанне і цалкам прысвяціла сябе графічнаму дызайну.
Дзяўчына прайшла інтэнсіўны курс па дызайну ў Нямеччыне і марыць, што менавіта з гэтым будзе звязаная яе будучыня.
Цікава, што ў 2015 годзе яна прыняла выклік на сямідзённы чэлендж, на працягу якога павінна была размаўляць выключна на беларускай. Пасля гэтых сямі дзён вяртацца да рускай яна ўжо не захацела.
Таксама Ганна арганізоўвае хрысціянскі моладзевы праект #Home_Youth, у межах якога ладзяцца і канцэрты, і кінавечары, і гульні ды майстар-класы. Захапляецца музыкай і фатаграфіяй, таму ў яе інстаграме вы можаце пабачыць шмат крутых здымкаў па хэштэгу #раблюцёплыяфотакартачкі.
Хто такі Міхаіл Мяховіч — сілавік, які вядзе канал ГУБАЗіКа і адказвае за прабіў людзей20
Каментары