Затрыманая ў Тайландзе за нелегальную працу група сэкс-інструктараў, сярод якіх былі відэаблогеры Аляксандр Кірылаў і Анастасія Вашукевіч, больш вядомыя пад псеўданімамі Алекс Леслі і Насця Рыбка, сваімі дзеяннямі нанеслі шкоду рэпутацыі каралеўства. Пра гэта заявіў прадстаўнік нацыянальнай паліцыі Тайланда.
«Гэтая група нанесла шкоду нашай нацыянальнай рэпутацыі. Мы прыцягваем да адказнасці ўсіх без выключэння замежнікаў, якія парушаюць нашы законы, не толькі ў Патаі, але і па ўсёй краіне», — сказаў намеснік кіраўніка паліцэйскай прэс-службы Крытсана Патаначараэн.
Раней стала вядома, што Насту Рыбку і Алекса Леслі паліцыя Тайланда вырашыла ўнесці ў «чорны спіс» і выслаць з краіны. Іх абвінавацілі ў незаконным занятку бізнэсам, які прадугледжвае правядзенне сэкс-трэнінгаў без выплаты падаткаў.
Групу з 10 чалавек, сярод якіх былі Рыбка і Леслі, затрымалі 26 лютага. Яны атрымалі вядомасць пасля таго, як размясцілі ў сацсетках інфармацыю пра асабістае жыццё прадпрымальніка Алега Дзерыпаскі.
Цяпер чытаюць
Хто такі Мацвей Бяляй, якога нібыта дэпартавалі ў Беларусь? Расказваем гісторыю дзіўнага актывіста з падазроным мінулым2
Каментары