Яшчэ адна станцыя сілкавання для электрамабіляў з’явілася ў Гродне 2 красавіка. Гэта адна з чатырох станцый, што падарыў гораду леташні ўдзельнік фестываля SunDay Autogrodno Томас Кальвас з Германіі. Яго Opel Ampera-e стаў першай машынай, што выпрабавала на сабе працу новай станцыі, піша Hrodna.life.
Са словаў Томаса, электрамабілі не звязаны з яго асноўнай працай. Гэта захапляльнае хобі, каторае паступова ператвараецца ў «нешта большае». Прынамсі, у магчымасць падарожнічаць, пазнаваць свет і знаёміцца з цікавымі людзьмі. Электрамабілям і падарожжам прысвечана яго старонка на фэйсбуку.
Укладаючы сродкі ў развіццё інфраструктуры, ён хоча забяспечыць больш камфортныя ўмовы для падарожжаў і матываваць іншых да асваення электрамабіляў. Тым больш, адзначае Кальвас, што і самастойна, не чакаючы толькі на інвестыцыі, Беларусь робіць крокі насустрач аматарам электрамабіляў.
Яго Opel Ampera-e мае запас ходу на акумулятарах каля 300 км. З такімі магчымасцямі па Беларусі можна свабодна перамяшчацца, хаця і прыходзіцца дакладна планаваць месцы сілкавання. У Еўропе з гэтым ужо значна прасцей. Толькі ў Берліне можна падсілкаваць аккумулятары больш чым у 900 месцах!
Цяпер чытаюць
ЗША паведамілі, што вызваленне палітвязняў у Беларусі «адкладзенае на некаторы час»25
Каментары