Чытач партала ABW.by Аляксандр Максіменя заўважыў у эфіры тэлеканала АНТ правапарушэнне. Падчас сюжэту пра Капыльскі раён у «Контурах» у кадры з'явіліся старшыня райвыканкама Анатоль Ліневіч і журналістка АНТ. І абое непрышпіленыя!
Неабыякавы грамадзянін напісаў заяву ў ДАІ з просьбай даць сітуацыі юрыдычную ацэнку.
«Паведамляю, што ва УУС Мінаблвыканкама разгледжаны Ваш электронны зварот па факце парушэння патрабаванняў Правілаў дарожнага руху з боку кіроўцы і пасажыра аўтамабіля Hyundai, размешчанага ў вольным доступе ў сетцы Інтэрнэт сюжэту тэлеканала АНТ.
Па выніках праведзенай праверкі кіроўца і пасажыр аўтамабіля Hyundai прыцягнуты да адміністрацыйнай адказнасці», — гаворыцца ў адказе выканаўцы абавязкаў начальніка упраўлення ДАІ УУС Мінаблвыканкама Міхаіла Акуліча.
Аператара — які таксама быў непрышпілены — пакуль не аштрафавалі.
Адметна, што ў падобнай сітуацыі ДАІ адмовілася штрафаваць Аляксандра Лукашэнку спасылаючыся на яго недатыкальнасць.
Цяпер чытаюць
«Я больш не анархіст». Мікола Дзядок — пра турму, Бога і расчараванне ў ідэалогіях25
Каментары