Маці асуджаных за наркотыкі прыйшлі ў Адміністрацыю прэзідэнта ФОТАФАКТ
2 мая актывісткі «Матчынага руху-328» наведалі Адміністрацыю прэзідэнта і сустрэліся з кіраўніком адміністрацыі Наталляй Качанавай. Жанчын запрасілі ў Мінск пасля таго, як яны абвесцілі галадоўку.
27 красавіка сямёра жанчын абвесцілі беcтэрміновую галадоўку. У кожнай з іх хтосьці ў сям’і быў асуджаны па артыкуле 328 Крымінальнага Кодэкса, то бок за распаўсюд наркотыкаў. Мэтай галадоўкі было дамагчыся сустрэчы з Лукашэнкам, міністрам унутраных спраў Шуневічам, генпракурорам Канюком і іншымі чыноўнікамі.
У выніку, улады запрасілі жанчын на размову ў Адміністрацыю прэзідэнта. У сваю чаргу галадоўшчыцы папрасілі далучыцца да візіту прадстаўнікоў незалежных СМІ.
Агулам галадае 14 жанчын, у Мінск прыехалі сямёра. Большасць адмовілася ад каментараў, кажуць, вельмі слабыя. Але Ліяна Шуба і Таццяна Канеўская паведамілі журналістам, што хоць гэтае мерапрыемства і «вялікі крок да дыялогу», але галадоўка пасля працягнецца.
Далейшую стратэгію паводзінаў жанчыны вырашаць па выніках сустрэчы.
«Але я ўпэўненая, што ўрад не дасць мацярам проста так загінуць», — сказала Канеўская.
Таксама пад Адміністрацыю з Расіі прыехала маці Ірыны Сямянякі, дзяўчыны, якая праходзіла па «справе 17». У 2016 годзе 27-гадовую
Сямяняку асудзілі на 16 гадоў. Яе маці кажа, што адмыслова прыехала ў Беларусь і таксама гатовая абвясціць галадоўку, а пасля выйсці з плакатамі пад расійскае пасольства.
«Мая дачка атрымала дзікі тэрмін толькі за тое, што была экс-каханкай Канстанціна Вілюгі (лідара злачыннай групы, якая займалася продажам наркотыкаў. Вілюга атрымаў 20 гадоў — пр. НН)», — упэўненая жанчына. Яна кажа, што неабходна пераглядзець тэрміны асуджаных, але ў плён сённяшняй сустрэчы асабліва не верыць.
Цяпер чытаюць
Загінуў беларускі добраахвотнік Васіль «Дзір» Рапіцкі8
Каментары