У ноч на 6 мая гендырэктар Tesla і SpaceX Ілан Маск заявіў у сваім Твітары, што збіраецца адкрыць кандытарскую кампанію. Ён адзначыў, што гэта будзе неверагодна і што ён «супер-супер сур'ёзна».
I am super super serious
«Я адкрываю кандытарскую кампанію і гэта будзе неверагодна. Я супер-супер сур'ёзна».
Але падобна, што гэта быў толькі чарговы раўнд яго завочнай спрэчкі з інвестарам Уоррэнам Бафетам, піша TJ.
Cryptocandy
«Добра, добра, проста для ўяўлення: якія цукеркі вы хочаце? Крыптацукеркі».
Маск і Бафет спрачаліся пра мадэль «эканамічных рвоў», прыдуманых інвестарам. Дзякуючы доўгатэрміновай эканамічнай перавазе яна дазваляе атрымліваць прыбытак большы, чым у іншых гульцоў на рынку.
Кіраўнік Tesla падчас канферэнц-размовы з інвестарамі заявіў, што такая стратэгія прымальная толькі ў некаторай ступені, паколькі яна не дапаможа супраць сур'ёзных нападаў канкурэнтаў. Паводле яго слоў, сапраўды важныя інавацыі.
Бафет адказаў Маску падчас прэс-канферэнцыі свайго фонду Berkshire Hathaway. Ён заявіў, што ў апошні час эканамічныя равы сапраўды сталі менш эфектыўныя дзякуючы тэхналагічным прарывам, але ўсё яшчэ важныя і «ідэальна працуюць» для некаторых кампаній.
У якасці прыкладу такой кампаніі інвестар прывёў See's Candies, якой ён валодае праз фонд Berkshire Hathaway. Па словах Бафета, у кандытарскай кампаніі вельмі шырокі эканамічны роў праз лаяльную спажывецкую базу і таму канкурэнты не здольныя займець яе долю на рынку. Акрамя таго, ён асцерагаў Маска ад канкурэнцыі з ім у гэтай галіне.
«Вядома вы павінны працаваць над паляпшэннем свайго рова і над яго абаронай увесь час. І Ілан сапраўды можа перавярнуць усё дагары нагамі ў некаторых сферах. Але я не думаю, што ён хацеў бы канкураваць з намі ў вытворчасці цукерак», — сказаў Уорэн Бафет.
Мяркуючы па ўсім, твіты Маска — гэта ўсяго толькі спроба затроліць Бафета. Аднак той хоць і зарэгістраваны ў твітары, але апублікаваў усяго дзевяць запісаў, апошні з якіх у 2016-м годзе.
Then I’m going to build a moat & fill it w candy. Warren B will not be able to resist investing! Berkshire Hathaway kryptonite …
«Пасля гэтага я пабудую роў і напоўню яго цукеркамі. Уорэн Бафет не зможа супраціўляцца інвеставанню ў гэта! Гэта крыптаніт для Berkshire Hathaway…»
На жартоўнасць твітаў намякае і тое, што размову пра кандытарскую фабрыку Маск пачаў са спасылкі на адрэзак з фільма «Тролі». А ў канцы прадпрымальнік апублікаваў спасылку на матэрыял выдання Fortune, дзе напісана, што ён затроліў Бафета.
Цяпер чытаюць
Качанава прапанавала ўвесці адказнасць за «няпраўду ў тыктоку»14
Каментары