Новы ўрад Італіі будзе выступаць супраць санкцый, уведзеных заходнімі краінамі ў дачыненні да Расіі. Пра гэта заявіў у аўторак, 5 чэрвеня, новы прэм'ер-міністр краіны Джузэпэ Контэ ў верхняй палаце парламента (сенаце), перадае Il Fatto Quotidiano.
Паводле яго слоў, ЗША традыцыйна застаюцца саюзнікам Рыма, аднак новы кабінет міністраў таксама настроены на адкрытасць у адносінах да Расіі.
У сенаце 5 чэрвеня павінна прайсці галасаванне па вотуму даверу новаму кабінету, які складаецца з прадстаўнікоў партый «Рух пяці зорак» і «Ліга Поўначы». Склад урада быў зацверджаны прэзідэнтам краіны Серджа Матарэлай 1 чэрвеня, тады ж яго члены склалі прысягу і ўступілі на пасаду.
У пачатку сакавіка ў Італіі адбыліся парламенцкія выбары, па выніках якіх большасць галасоў выбаршчыкі аддалі еўраскептыкам і папулістам.
Цяпер чытаюць
Хто з беларусаў трапіў на прыём да прэзідэнта Польшчы ШМАТ ФОТА28
Каментары