Камітэт дзяржкантролю праверыў арганізацыю харчавання ва ўсіх ВНУ краіны. Высветлілася, што Баранавіцкаму ўніверсітэту гародніну мясцовай вытворчасці нейкая арганізацыя пастаўляла з 52% надбаўкай да цаны вытворцы: у выніку агульная надбаўка была 80%, паведамляе sb.by.
Каб «упісацца» у патрабаваную цану, у сталовай зніжалі колькасць мяса або рыбы ў порцыі — замест 75-100 грамаў клалі 50.
Парушэнні знайшлі не толькі ў Баранавічах, але і ў іншых ВНУ краіны.
Па выніках праверак па краіне было зроблена больш за 50 вымоў і заўваг, шэсць работнікаў грамадскага харчавання звольнілі, многіх пазбавілі прэміі. ВНУ-парушальнікам накіраваныя рэкамендацыі і дадзены час на выпраўленне недахопаў.
Каментары