Віцэ-прэм'ер Украіны на форуме ў Гомелі прапанаваў беларускім чыноўнікам выступаць па-беларуску. Тыя не пагадзіліся
Віцэ-прэм'ер-міністр — міністр рэгіянальнага развіцця, будаўніцтва і жыллёва-камунальнай гаспадаркі Украіны Генадзь Зубко на форуме рэгіёнаў Беларусі і Украіны ў Гомелі звярнуўся да беларускіх удзельнікаў мерапрыемства з просьбай выступаць на беларускай мове, піша ria.ru
Першы Форум рэгіёнаў дзвюх краін праходзіць 25-26 кастрычніка ў Гомелі. Мяркуецца, што ў ім возьмуць удзел Аляксандр Лукашэнка і Пятро Парашэнка.
«Я рады вітаць ўсіх тут на форуме, першым форуме рэгіёнаў Украіны і Беларусі. Два тыдні таму мы правялі пасяджэнне ўкраінска-беларускай камісіі па пытаннях гандлёва-эканамічнага супрацоўніцтва. Гэта быў вельмі канструктыўны дыялог, і мы дасягнулі (пагаднення ў рашэнні) шэрагу пытанняў. Тады рабочай мовай пасяджэння была абрана руская. Сёння тут на форуме прадстаўнікі Украіны і Беларусі. Я выступаю на ўкраінскай мове і з задавальненнем паслухаю беларускіх калегаў на беларускай мове», — сказаў Зубко.
Між тым, беларускія ўдзельнікі форуму працягнулі выступаць на рускай мове. Па-руску таксама прамаўляў і пасол Украіны ў Мінску Ігар Кізім.
Цяпер чытаюць
Што за Дзмітрый Скіндзераў, які абвясціў вайну Ціханоўскай? Супрацоўніцтва з ГУБАЗіКам, даўгі ў Беларусі, даўгі ў Літве44
Каментары