Цяпер на найстаражытны скарб IX-X стагоддзя, знойдзены пад Полацкам, можна праглядзець анлайн на сайце музея-запаведніка. Там знаходзіцца поўнае апісанне манет скарбу, а іх больш за сем тысяч, паведамляе gorod214.by.
Казьянкаўскі скарб куфічных дырхамаў з'яўляецца найбуйнейшым скарбам Старажытнай Русі. Скарб быў знойдзены ў 1973 годзе на правым беразе Дзвіны ў вёсцы Казьянкі на Полаччыне. Гэтыя каштоўнасці захоўваюцца ў музейным зборы Нацыянальнага Полацкага гісторыка-культурнага музея-запаведніка.
Агульная вага дырхамаў складае 19893,8 г срэбра 960°.
«Асноўная частка скарбу (7650 манет) паступіла ў фонды музея-запаведніка ў 1973-1974 гг. неўзабаве пасля выяўлення, пазней да іх дадаліся яшчэ 13 манет, якія паступілі з прыватных калекцый. Малодшая манета скарбу — дырхам Саманіда Нуха ібн Насра, бітая ў Самаркандзе ў 333 г. х. (944/945 г.) — дазваляе датаваць факт утойвання скарбу не пазней другой паловы 940-х гг.», — паведамляе прэс-служба музея.
Разглядзець скарб можа кожны ахвотны на сайце музея. Усе 7663 манеты знаходзяцца ў электронным каталогу.
Цяпер чытаюць
Някляеў апублікаваў злабадзённы верш. У ім згадваецца і Калеснікава з Бабарыкам, і Ціханоўская, і Пракоп'еў з Пазняком23
Каментары