Звычайна ідэал мужчынскага цела ўяўляюць з напампаванымі цягліцамі з цвёрдымі кубікамі прэса. Але так было не заўсёды, піша Bored Panda.
Графічны дызайнер з Пітсбурга (ЗША) Мікалай Лам стварыў серыю малюнкаў, паказаўшы, як мяняліся ідэалы мужчынскага цела за апошнія 150 гадоў.
У 1870-х, напрыклад, шырокая талія сімвалізавала багацце і росквіт.
Аднак у пачатку ХХ стагоддзя мода памянялася, не ў апошнюю чаргу пад уплывам Галівуда.
Акцёры павінны былі быць стройнымі, паколькі камера часта рабіла іх большымі, чым яны былі на самай справе.
Пік гэтай тэндэнцыі прыйшоўся на шасцідзесятыя гады, тады стройнасць была самай жаданай формай мужчынскага цела.
Сітуацыя зноў змянілася ў 80-я. Рост папулярнасці спартзалаў і клубаў здароўя змяніў ідэальныя формы; худыя мужчыны пачалі ператварацца ў мускулістых.
Вялікі ўплыў на стандарты прыгажосці зрабіў і попыт на бодыбілдынг, які працягваў расці дзякуючы такім акцёрам, як Арнольд Шварцэнэгер і Сільвестр Сталонэ.
З 90-х і да сёння сучасны мужчына мае моцныя рукі і грудзі, але не занадта мускулістыя, а яшчэ — рэльефны прэс.
Цяпер чытаюць
Хто такі Мацвей Бяляй, якога нібыта дэпартавалі ў Беларусь? Расказваем гісторыю дзіўнага актывіста з падазроным мінулым1
Каментары