«Беларуская моладзь не адчувае сваёй датычнасці да Русі» — топ-5 цытат з развагаў Фёдара Поўнага
Настаяцель храма Усіх Святых протаіерэй Фёдар Поўны даў вялікае інтэрв'ю «Мінск-Навіны», у якім паразважаў пра саюзную дзяржаву, а таксама сувязі паміж Беларуссю і Расіяй.
Здабыўшы так званую незалежнасць (разамкнуўшы счэпку), мы засталіся сам-насам з сабой. Гэта значыць, атрымаўшы незалежнасць, мы атрымалі каласальную адказнасць за сябе. І як ні дзіўна, беларусы не прывыклі разглядаць сябе па-за саюзам, па-за імперыяй, па-за вялікімі палітычнымі утварэннямі.
***
Сыходзяць пакаленні, якія жылі ў Савецкім Саюзе. Беларуская моладзь не адчувае сваёй датычнасці да ўсходнеславянскай супольнасці, да Русі, з якой выйшлі тры нашых дзяржавы.
***
У значнай ступені наша нацыянальная дзяржаўная свядомасць грунтуецца на каштоўнасцях савецкага перыяду. Беларус як грамадзянін быў сфармаваны сацыялістычным мінулым, і гэта робіць нас у нейкай меры унікальнымі.
***
Падручнікі па гісторыі Беларусі дагэтуль адлюстроўваюць міфы пра сілу некаторых суседніх народаў, беларускімі героямі лічацца не беларускія грамадскія дзеячы. У Расіі школьнікі, наадварот, вывучаюць імперыялістычную вялікадзяржаўную палітыку сваёй дзяржавы.
***
Мы — пакаленне, якое яшчэ памятае пачуццё локця, а новыя пакаленні, вывучаючы такія падручнікі, будуць расіян называць акупантамі, а расіяне будуць глядзець на беларусаў альбо як на частку рускага народа, альбо як на чужы народ.
Цяпер чытаюць
Асуджаны за «Гаюн» да хіміі брат Ігара Лосіка ўцёк з Беларусі1
Каментары