Вашынгтон і Пхеньян створаць групу перамоўшчыкаў, якія будуць упаўнаважаны абмяркоўваць працэс дэнуклеарызацыі Карэйскага паўвострава. Такую заяву Дональд Трамп зрабіў пасля завяршэння сустрэчы з Кім Чэн Ынам, перадае CNN.
«Мы дамовіліся, што кожны з нас прызначыць каманду. Каманды паспрабуюць прапрацаваць некаторыя дэталі», — распавёў Трамп, дадаўшы, што перагаворшчыкі пачнуць працаваць на працягу двух-трох тыдняў.
Паводле яго слоў, каманду ЗША будзе ўзначальваць цяперашні спецпрадстаўнік ЗША па Паўночнай Карэі Стывен Бігун. «Поспехаў, Стыў», — пажадаў Трамп.
Каментары