Пасля фізічных практыкаванняў у яго ўзняўся ціск і ўзніклі праблемы з сэрцам.
Сёння Франака Вячорку даставілі ў мінскі вайсковы шпіталь, дзе мелі вырашыць – пакідаць яго ў сталіцы, ці адвезці у адзін з рэгіянальных шпіталёў. Пра гэта Франак паведаміў па тэлефоне.
Ён патлумачыў, што пасля выканання фізічных практыкаванняў у яго ўзняўся ціск і ўзніклі праблемы з сэрцам.У паліклініцы Рэспубліканскага вайсковага шпіталю ён прадэманстраваў вынікі незалежнага абследавання, праведзенага незадоўга да прызыву ў войска.
«Тыя вынікі значна адрозніваліся ад афіцыйнага ваенкаматаўскага абследавання — з яго вынікала, што справы з сэрцам ў мяне куды сур’зней». Але тыя паперы пакінулі без увагі. Франаку заявілі, што гэты дакумент не мае юрыдычнай сілы і што трэба прайсці абследаванне ў вайсковым шпіталі. У Рэспубліканскі вайсковы шпіталь Вячорку не паклалі, патлумачыўшы, што для гэтага яму трэба адслужыць тры месяцы, нібы толькі пасля гэтага ён трапляе пад поўную юрысдыкцыю вайсковых медыкаў. А дагэтуль яго могуць пакласці ў адзін з рэгіянальных вайсковых шпіталёў. У які канкрэтна – вызначыцца цягам некалькіх дзён. Франак распавёў, што ў паліклініцы сустрэў Змітра Хведарука, яму таксама паведамілі пра адтэрміноўку лячэння ў РВШ. «Гэта можа сведчыць пра тое, што ўлады пакуль не гатовыя ўзяцца за сур’ёзную ацэнку нашага здароўя, прызнаць свае памылкі і камісаваць непрыдатных для вайсковай службы людзей» – заявіў Ф. Вячорка.
Нагадаем, што 16 ліпеня 2008 года медкамісія ваенкамата Савецкага раёна Мінска прызнала Ф.Вячорку непрыдатным да ваеннай службы па стане здароўя. Абласная медкамісія паставіла гэтае рашэнне пад сумненне і накіравала маладога чалавека на абследаванне ў вайсковы шпіталь, дзе яму далі адтэрміноўка ад службы да сакавіка 2009 г. Аднак 16 студзеня ваенкамат Савецкага раёна Мінска прызнаў Вячорку прыдатным да службы ў войску, а суд гэтага ж раёна, дзе было абскарджана рашэнне ваенкамата, 23 студзеня пакінуў гэтае рашэнне ў сіле.
7 лютага Франак прыняў прысягу ў 8-й радыётэхнічнай брыгадзе ў Баранавічах.
Адсюль яго накіравалі ў Мазыр у в/ч № 48694 супрацьпаветранай абароны.
***
Напісаць Франаку Вячорку можна па адрасе: 247760 Мазыр, вул. Астроўскага, 168 в/ч № 48694.
Цяпер чытаюць
Лукашэнка пра паветраныя шары з Беларусі: Я размаўляў з лётчыкамі, для самалётаў ніякай праблемы няма3
Лукашэнка пра паветраныя шары з Беларусі: Я размаўляў з лётчыкамі, для самалётаў ніякай праблемы няма
«Быў галодны, як з Асвенціма, не еў ні мяса, ні гародніны». Што вядома пра смерць бабруйскага журналіста, на якога завялі крымінальную справу ў Польшчы2323
Каментары