Ерлан Карын, дарадца прэзідэнта Казахстана Касым-Жамарта Такаева, абвергнуў інфармацыю пра тое, што ўлады рэспублікі падтрымліваюць ідэю перайменавання Алматы ў Алма-Ату. Пра гэта ён напісаў у сваім Telegram-канале, перадае РБК.
Карын пракаментаваў заяву пісьменніка і грамадскага дзеяча Алжаса Сулейменава, які паведаміў, што абмяркоўваў змену назвы Алматы на нядаўняй сустрэчы з Такаевым. Паводле яго слоў, ініцыятыву падтрымалі кіраўнік рэспублікі, а таксама акім (мэр) горада Бакытжан Сагінтаеў. Сулейменаў адзначыў, што за вяртанне гораду ранейшай назвы — Алма-Ата — выступаюць многія жыхары мегаполіса.
Дарадца прэзідэнта назваў пісьменніка «даўнім прыхільнікам» ідэі перайменавання Алматы. «Аднак тое, што ён згадаў аб гэтай ідэі на сустрэчы з прэзідэнтам, не азначае, што кіраўнік дзяржавы падтрымлівае яе», — напісаў ён. Па словах Карына, Такаеў лічыць, што гэтае пытанне павінна вырашацца з улікам меркавання жыхароў горада, а не «кулуарна, у кабінетах».
Як напісаў у сваім Instagram Сагінтаеў, пытанне аб перайменаванні Алматы не стаіць на парадку дня.
Назва Алматы было замацавана за горадам у Канстытуцыі Казахстана, прынятай у студзені 1993 года. Да 1997 года горад быў сталіцай рэспублікі, затым ёю стала Астана. У сакавіку 2019 года прэзідэнт рэспублікі падпісаў указ аб перайменаванні Астаны ў Нур-Султан.
-
Расійская неанацыстка, якая адсядзела 16 гадоў за забойства адваката і журналісткі: Ён напрошваўся сваімі поглядамі на чачэнскую кампанію
-
Зяленскі: Мірны план ЗША скарацілі з 28 да 20 пунктаў, але ў Трампа ўласнае бачанне
-
Кая Калас — беларусам: Вы можаце разлічваць на Еўрапейскі саюз. Большасць краін ЕС выйшлі з халоднага аўтарытарнага мінулага
«Быў галодны, як з Асвенціма, не еў ні мяса, ні гародніны». Што вядома пра смерць бабруйскага журналіста, на якога завялі крымінальную справу ў Польшчы1919
Каментары