Прэзідэнт Азербайджана Ільхам Аліеў лічыць, што ўступленне ў Еўрасаюз для краіны немагчыма. Пра гэта паведамляе «Інтэрфакс».
«Я лічу, што мы распачалі свае крокі ў кірунку еўраінтэграцыі, у далейшых кроках няма неабходнасці і яны будуць безвыніковымі», — заявіў кіраўнік дзяржавы.
Ён нагадаў, што шэраг балканскіх краін (не ўдакладніўшы, якія менавіта) пайшлі на выкананне шэрагу балючых умоў дзеля сяброўства ў Еўрасаюзе, аднак не атрымалі яго. Прэзідэнт таксама прывёў прыклад Турцыі. Ён лічыць, што для яе сяброўства ў Еўрасаюзе закрыта, бо Турцыя — мусульманская краіна.
«Так званая «апазіцыя» выходзіць на вуліцы са сцягамі ЕС. Яны хочуць, каб лёс Азербайджана вырашаўся ў Брусэлі? Свой лёс мы не можам аддаць у іншыя рукі. У нас свая гісторыя, свае каштоўнасці», - падсумаваў Аліеў.
Каментары