Што вы ведаеце пра пшаніцу? ТЭСТ

ТЭСТ

Што вы ведаеце пра пшаніцу?

Пшаніца побач з людзьмі ўжо многа тысяч год. Яна дае чалавеку хлеб, мяса (90% яе ідзе на корм скаціне) і нават алкаголь.

Ніжэй – дзесяць фактаў пра пшаніцу, якія вы можаце не ведаць. Праверым?

Пачынаем

Радзіма пшаніцы – гэта...

Кітай

Не, у Кітаі пшаніца з'явілася ў чацвёртым тысячагоддзі да нашай эры – на той час людзі вырошчвалі яе ўжо шэсць тысяч год. Найстаражытнейшыя ж сляды вырошчвання пшаніцы адшукалі на тэрыторыі сучаснай Турцыі і Ізраіля.

Егіпет

Пшаніца старэйшая за фараонаў, да Егіпта яна дацягнулася ў шостым тысячагоддзі да нашай эры. Але яшчэ раней яе пачалі вырошчваць на тэрыторыі сучаснай Турцыі і Ізраіля.

Блізкі Усход

Так. Найстаражытнейшыя сляды вырошчвання пшаніцы адшукалі на тэрыторыі сучаснай Турцыі і Ізраіля.

Далей

Праверыць

Паказаць вынікі

Асноўная цяжкасць з прыручэннем пшаніцы была ў тым, што...

Дзікая пшаніца вельмі нізенькая, яе цяжка знайсці

Не, гэта б нашых галодных продкаў не спыніла. Большай праблемай было тое, што ў дзікай пшаніцы зярняты, як толькі саспеюць, адразу высыпаюцца з каласкоў. На тое, каб вывесці сарты, у якіх зярняты вытрымаюць жніво ў каласах, пайшло каля чатырох тысяч год.

У дзікай пшаніцы зярняты адразу высыпаюцца з каласкоў

Слушна. І іх немагчыма сабраць з зямлі. На тое, каб вывесці сарты, у якіх зярняты вытрымаюць жніво ў каласах, пайшло каля чатырох тысяч год.

Зярняты дзікай пшаніцы ўтрымліваюць атруту ў малых дозах

Ды не. Каб гэта было так, чалавек бы яе не вырошчваў, як не вырошчвае, напрыклад, мухаморы. Праблемай было тое, што ў дзікай пшаніцы зярняты, як толькі саспеюць, адразу высыпаюцца з каласкоў. І іх немагчыма сабраць з зямлі. На тое, каб вывесці сарты, у якіх зярняты вытрымаюць жніво ў каласах, пайшло каля чатырох тысяч год.

Далей

Праверыць

Паказаць вынікі

У Еўропу пшаніцу прынеслі...

Генуэзскія купцы

Генуэзскія купцы раз прывезлі ў Еўропу чуму. Але гэта было намнога пазней. Пшаніцу ж масава пачалі сеяць найперш на тэрыторыях, падуладных Рыму.

Славянскія плямёны

Як бы нам таго ні хацелася, але не. Пшаніцу масава пачалі сеяць найперш на тэрыторыях, падуладных Рыму.

Рымскія каланісты

Правільна, масава сеяць пшаніцу пачалі найперш на тэрыторыях, падуладных Рыму.

Далей

Праверыць

Паказаць вынікі

Асвоіўшы пшаніцу, еўрапейскія варвары адразу паспрабавалі зрабіць з яе алкаголь – варыць піва, гнаць гарэлку. Што з пшаніцы робяць яшчэ?

Віскі

Так, пшанічны солад выкарыстоўваецца падчас вырабу віскі.

Тэкілу

Не, тут кактус трэба. Пшанічны солад выкарыстоўваецца падчас вырабу віскі.

Ром

Вы паблыталі Еўропу з Кубай, а пшаніцу – з цукровым трыснягом. Пшанічны солад выкарыстоўваецца падчас вырабу віскі.

Далей

Праверыць

Паказаць вынікі

У Вялікім Княстве Літоўскім любілі, каб пшанічнае піва пенілася. Для гэтага ў напой дадавалі...

Соду і лімонную кіслату

Ну, вы што. Дзе ВКЛ, а дзе лімонная кіслата. Гарох дадавалі – ён не быў у дэфіцыце.

Сёння «Пшанічнае» ў Лідзе вырабляецца па ўнікальнай тэхналогіі патройнага збраджвання. Менавіта дзякуючы гэтаму піва мае пышную пену і мяккі пшанічны смак з яркімі фруктовымі нотамі банана і гваздзікі.

Гарэлку

Не, гэта ўжо рэцэпт часоў СССР. Піва, зваранае з гарохам, лічылася адметным рэцэптам з ВКЛ.

Сёння «Пшанічнае» ў Лідзе вырабляецца па ўнікальнай тэхналогіі патройнага збраджвання. Менавіта дзякуючы гэтаму піва мае пышную пену і мяккі пшанічны смак з яркімі фруктовымі нотамі банана і гваздзікі.

Гарох

Сапраўды, піва, зваранае з гарохам, лічылася адметным рэцэптам з ВКЛ.

Сёння «Пшанічнае» ў Лідзе вырабляецца па ўнікальнай тэхналогіі патройнага збраджвання. Менавіта дзякуючы гэтаму піва мае пышную пену і мяккі пшанічны смак з яркімі фруктовымі нотамі банана і гваздзікі.

Далей

Праверыць

Паказаць вынікі

Гэй, гарадскія, зможаце адрозніць пшаніцу на выгляд?

Так, яна пад нумарам 1

Не, гэта жыта. Зірніце, якія доўгія вусы, у пшаніцы такіх не бывае. Пшаніца пад №2.

Лёгка, гэта нумар 2

Выдатна! Вашы сялянскія продкі ганарацца вамі.

Мяркую, гэта нумар 3

Вусы плюс малы рост – прыкмета не толькі д'Артаньяна, але і такога злаку, як ячмень. Пшаніца пад №2.

Пшаніца хаваецца пад нумарам 4

Гэта ж авёс – любы конь пацвердзіць. Пшаніца пад №2.

Далей

Праверыць

Паказаць вынікі

Полба – гэта...

Від пшаніцы

Правільна. Яна мае лушпайкі, што шчыльна аблягаюць зярняты. Апрацоўваць яе цяжэй.

Злак, з якога робяць такія маленькія жоўтыя крупы

Не, маленькія жоўтыя крупы – гэта проса. А полба – від пшаніцы. Яна мае лушпайкі, што шчыльна аблягаюць зярняты. Апрацоўваць яе цяжэй.

Від жыта

Не, гэта від пшаніцы, які мае лушпайкі, што шчыльна аблягаюць зярняты. Апрацоўваць яе цяжэй.

Далей

Праверыць

Паказаць вынікі

Найболей пшаніцы ў свеце збірае...

ЗША

Не, Кітай. Хоць ЗША – адзін з найбуйнейшых экспарцёраў пшаніцы.

Расія

Не, Кітай. А вось у пачатку ХХ стагоддзя ўсё было іначай.

Кітай

А як іначай? Трэба ж мільярд насельніцтва карміць.

Далей

Праверыць

Паказаць вынікі

Беларусь пшаніцу...

Экспартуе

Не. Мукі трохі прадаём у Расію, а збожжа не вывозім. Наадварот, прыкупляем, асабліва калі неўраджай.

Імпартуе

Так, прыкупляем, асабліва калі неўраджай.

І экспартуе, і імпартуе

Не, толькі імпартуем, асабліва калі неўраджай. Мукі трохі прадаём у Расію, а збожжа не вывозім.

Далей

Праверыць

Паказаць вынікі

Трыцікале – гэта гібрыд, па пасяўных плошчах якога Беларусь трымаецца ў сусветных лідарах. Але гібрыд чаго?

Пшаніцы і рапсу

Сумнеўная карысць ад такога гібрыду была б: ні хлеба, ні алею... Трыцікале – гэта гібрыд пшаніцы і жыта (Tríticum на лаціне «пшаніца», а Secale – «жыта»).

Пшаніцы і кукурузы

Не, яны занадта розныя, каб быць разам. Трыцікале – гэта гібрыд пшаніцы і жыта (Tríticum на лаціне «пшаніца», а Secale – «жыта»).

Пшаніцы і жыта

Трапна! Трыцікале – гэта гібрыд пшаніцы і жыта. І на гэтае пытанне вельмі проста адказалі б старажытныя рымляне, хоць гібрыд сучасны. Tríticum на лаціне «пшаніца», а Secale – «жыта».

Далей

Праверыць

Паказаць вынікі