У адным з раёнаў Пекіна імгненна ўвялі «рэжым ваеннага часу» з-за ўспышкі каранавіруса
У Пекінскім раёне Фэнтай увялі рэжым ваеннага становішча, пасля таго як на мясцовым аптовым рынку была зафіксаваная ўспышка каранавіруса. Пра гэта са спасылкай на выданне Sina перадае РБК.
Жорсткі кантроль уводзіцца ў 11 жылых комплексах, якія знаходзяцца ля рынка, жыхары мікрараёнаў павінны выконваць рэжым самаізаляцыі і не могуць пакідаць дамы. Заняткі ва ўжо адкрытых трох пачатковых школах і трох дзіцячых садках зноў спыняюцца. Навучальныя ўстановы, якія яшчэ не вярнуліся да працы, таксама павінны адкласці аднаўленне заняткаў.
Улады паведамілі, што аналізы 45 з 517 чалавек, якія наведвалі рынак, далі станоўчы вынік на каранавірус.
Буйны аптовы рынак «Сіньфадзі», размешчаны ў раёне Фэнтай, часова зачынілі ў суботу, пасля таго як там выявілі каранавірус.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі48
Каментары