Журналісты «Белсата» напісалі кнігу пра ролю Беларусі ва ўкраінска-расійскай вайне
Харкаўскае выдавецтва «Фоліа» падрыхтавала да друку кнігу журналістаў «Белсата» Кацярыны Андрэевай і Ігара Ільяша «Беларускі Данбас». Электронная версія кнігі ўжо прадаецца на сайце выдавецтва.
«Мы пастараліся закрануць усе аспекты: ад гісторый беларусаў па абодва бакі фронту да нелегальнага гандлю дзяржаўных прадпрыемстваў з ЛНР і ДНР, ад метадаў працы сілавікоў да палітычнай кан’юнктуры апошніх гадоў і інфармацыйнай стратэгіі ўладаў», — кажа Кацярына Андрэева
Ігар Ільяш мяркуе, што ёсць шмат міфаў вакол ролі Беларусі ў гэтай вайне.
«Мэта кнігі ў тым ліку — развянчаць гэтыя міфы. Напрыклад, некаторыя ўпэўненыя, што беларускія спецслужбы аднолькава пераследвалі нашых грамадзянаў на баку Украіны і на баку прарасійскіх баевікоў. Аднак насамрэч я асабіста сустракаўся ў Беларусі з баевікамі, і нават пасля інтэрв’ю іх не чапалі ні МУС, ні КДБ. Больш за тое, ім на радзіме выдавалі новыя дакументы», — распавядае Ільяш.
Цяпер чытаюць
Дзеячы эміграцыі пасварыліся з нагоды спісаў запрошаных на прыём да прэзідэнта Польшчы37
Каментары