Пра гэта карэспандэнту НН расказаў вядучы радыё «Сталіца» Валерый Кандрацьеў.
«З панядзелка супрацоўнікі радыё падтрымалі агульнанацыянальную забастоўку. З самага ранку ў эфір не выйшла ні адна забаўляльная праграма. Толькі навіны спорту і прагноз надвор'я выходзілі цягам дня. У аўторак было сказана, што нас звольняць па артыкуле, на што супрацоўнікі згадзіліся каб іх звольнілі так, — кажа ён.
Учора ўвечары ад кіраўніцтва прыйшла прапанова выходзіць у эфір выключна без навін і забаўляльнага кантэнту. Што заўгодна, толькі каб выйшлі і не пра палітыку. Сёння амаль усім калектывам было прынята рашэнне напісаць заявы аб звальненні, што мы і зрабілі».
Звальняюцца, паводле яго словаў, 11 чалавек — у тым ліку дырэктар радыёстанцыі, намеснік дырэктара і музычны рэдактар.
Цяпер на «Сталіцы» грае адна музыка з устаўкамі спорту і прагнозам надвор'я.
Што далей будзе з хваляй, Валерый Кандрацьеў не ведае. «Верагодна будзе зменены фармат альбо хвалю зойме Першы нацыянальны канал Беларускага радыё», — мяркуе ён.
Цяпер чытаюць
Качанава прапанавала ўвесці адказнасць за «няпраўду ў тыктоку»11
Каментары