Каля касцёла ў Маладзечне 2 верасня прайшла акцыя салідарнасці ў падтрымку арцыбіскупа Кандрусевіча, піша «Рэгіянальная газета».
Па большай частцы сабраліся жанчыны, у некаторых у руках быў партрэт арцыбіскупа Тадэвуша Кандрусевіча.
Нагадаем, Кандрусевіча не ўпусцілі ў Беларусь, калі ён вяртаўся з Польшчы, хоць і з’яўляецца грамадзянінам Беларусі.
У чарговы раз не абышлося без супрацоўнікаў міліцыі. Яны прайшліся каля ланцуга людзей. Адзін з мегафонам заявіў, што мерапрыемства несанкцыянаванае, а дзеянні грамадзян незаконныя і прасіў разысціся. Людзі казалі, што чакаюць пачатку імшы.
Яшчэ адзін з супрацоўнікаў здымаў людзей на камеру.
Акцыя доўжылася прыкладна паўгадзіны. Пасля пачалася імша ў касцёле.
Цяпер чытаюць
«Сядзеў ужо 50 сутак, затрымалі яго дзяўчыну і брата». Сукамернік расказаў пра радыёаматара, арыштаванага за здраду дзяржаве1
Каментары