Лукашэнка пра «каардынацыйныя рады»: Трэба прадпрымаць больш магутныя, вострыя меры пракурорскага рэагавання на падобныя дзеянні
Пра гэта Аляксандр Лукашэнка заявіў сёння пры прадстаўленні Андрэя Шведа на пасадзе генеральнага пракурора Беларусі, піша БелТА.
«Нягледзячы на ўскладненне сітуацыі з выкананнем заканадаўства ў краіне, давайце будзем сумленныя. Можа, я памыляюся, я асабіста не бачу той актыўнасці пракуратуры, якая б адпавядала цяперашняму перыяду. Актыўнасць павінна быць накіраваная, я гэта заўсёды патрабаваў і буду патрабаваць, на захаванне краіны, незалежнасці і яе бяспекі. Краіна павінна вярнуцца ўжо сёлета да таго бяспечнага перыяду, які быў зусім нядаўна і які характэрны для нашай краіны. Гэта проста імідж Беларусі», — падкрэсліў Аляксандр Лукашэнка.
Ён падкрэсліў, што работнікі органаў пракуратуры павінны стаяць на варце закона, гарантуючы бяспечнае развіццё дзяржавы. «І ўсякія там каардынацыйныя рады, іншыя арганізацыі…. І Канстытуцыйны суд, і генеральны пракурор у свой час (думаю, і ваш пункт гледжання такі) далі ацэнку гэтым каардынацыйным радам. Вы павінны даваць не толькі прававую ацэнку дзеянням арганізатараў і агітатараў, але і прадпрымаць больш магутныя, вострыя меры пракурорскага рэагавання на падобныя дзеянні», — сказаў кіраўнік дзяржавы.
Мсціслаў Мекта: яшчэ адзін рэцыдывіст рвецца ва ўладу, прыкінуўшыся спецназаўцам-ябацькам15
Каментары