Удзельнікі пратэстаў супраць прыняцця трохбаковай заявы аб спыненні агню ў Нагорным Карабаху скралі з рэзідэнцыі прэм'ер-міністра Арменіі Нікола Пашыняна асабістыя рэчы, у тым ліку пасведчанне кіроўцы і парфуму. Пра гэта паведаміў у фэйсбуку сам Пашынян.
«З рэзідэнцыі прэм'ера скралі камп'ютар, гадзіннік, парфуму, пасведчанне кіроўцы ды іншае. Усё гэта, вядома, «у імя Радзімы», — напісаў Пашынян.
Раней Арменія, Азербайджан і Расія падпісалі пагадненне аб міры ў Нагорным Карабаху. У адпаведнасці з дакументам, Арменія і Нагорны Карабах павінны перадаць Азербайджану Кельбаджарскі, Агдамскі і Лачынскі раёны, а таксама тэрыторыі, якія ўтрымліваюцца армянскім бокам у Газахскім раёне.
Тым часам прэзідэнт Арменіі Армен Саркісян заявіў, што даведаўся пра падпісанне пагаднення з інтэрнэту і збіраецца ініцыяваць палітычныя кансультацыі.
«З прэсы я даведаўся таксама аб умовах спынення вайны. Адносна гэтага дакумента са мной як з прэзідэнтам Рэспублікі якіх-небудзь нарад ці абмеркаванняў, на жаль, не было, ні ў якіх перамовах я не ўдзельнічаў.
Урэгуляванне карабахскага канфлікту — пытанне агульнанацыянальнага значэння і важнасці. Любы датычны жыццёвых інтарэсаў бяспекі і правоў Арменіі, Арцаха [Нагорнага Карабаха], усяго армянскага народа крок, дзеянне, прыняцце любога рашэння, тым больш, падпісанне якога-небудзь дакумента павінна быць прадметам усебаковых кансультацый і абмеркаванняў», — заявіў Армен Саркісян.
-
Каталікі-трампісты ўз'еліся на першага амерыканскага Папу: Леў XIV працягвае лева-прагрэсіўную палітыку Францішка
-
У 10‑мільённым Тэгеране дэфіцыт вады. Жыхароў папярэдзілі пра магчымую эвакуацыю
-
Нарвегія можа стаць гарантам еўрапейскага крэдыту Украіне, вылучыўшы на гэта частку свайго Суверэннага фонду
Цяпер чытаюць
Трамп заявіў, што ідуць перамовы пра вызваленне яшчэ 50 беларускіх палітвязняў, і назваў іх «закладнікамі»26
Трамп заявіў, што ідуць перамовы пра вызваленне яшчэ 50 беларускіх палітвязняў, і назваў іх «закладнікамі»
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1414
Каментары