Нацыянальнае антыкрызіснае ўпраўленне заявіла, што атрымала ў распараджэнне ўнутраны дакумент Міністэрства ўнутраных спраў. З яго вынікае, што афіцыйна распаўсюджаныя звесткі пра колькасць затрыманых заніжаныя.
Згодна з дакументам, з 9 жніўня і да 3 лістапада ў Беларусі затрымалі больш за 25 800 чалавек за «парушэнне заканадаўства аб масавых мерапрыемствах і ўчыненне іншых правапарушэнняў пры іх правядзенні». За гэты ж час супрацоўнікі склалі больш за 24 тысячы адміністрацыйных пратаколаў.
Паводле звестак справаздачы, з дня выбараў беларусы падалі ў органы 4000 заяў аб гвалце з боку супрацоўнікаў сілавых структур.
Калі гэтыя лічбы праўдзівыя, то, з улікам затрыманых за 4-13 лістапада, колькасць затрыманых у Беларусі перавысіла 27 тысяч.
Раней меркавалася, што ў краіне адбылося каля 18 тысяч затрыманняў. Гэтая лічба грунтавалася на спісах імён затрыманых, якія вядуць праваабаронцы-вясноўцы, а таксама на звестках МУС за асобныя дні. Праваабаронцы прызнаюць, што гэты спісы могуць быць няпоўныя, бо не ўсе затрыманыя паведамляюць пра сябе праваабаронцам ці ў СМІ.
«Наша Ніва» звярнулася да НАУ з просьбай распаўсюдзіць копію дакумента. Нам адказалі, што гэта, магчыма, будзе зроблена, але пакуль магло б паставіць пад пагрозу крыніцу, якая перадала дакумент.
-
Вальфовіч пракаментаваў заявы СВР і папрасіў Еўропу не дыктаваць Беларусі, як жыць
-
Дзясяткі гадоў экспедыцый у адным ютуб-канале. У Беларусі прэзентавалі відэархіў Міколы Козенкі з народнымі танцамі і абрадамі
-
Някляеў апублікаваў злабадзённы верш. У ім згадваецца і Калеснікава з Бабарыкам, і Ціханоўская, і Пракоп'еў з Пазняком
Цяпер чытаюць
Някляеў апублікаваў злабадзённы верш. У ім згадваецца і Калеснікава з Бабарыкам, і Ціханоўская, і Пракоп'еў з Пазняком23
Каментары