На нарадзе ў Лукашэнкі абмяркоўваецца ўдасканаленне збірання платы за допуск да дарожнага руху, піша БелТА.
Лукашэнка. у прыватнасці, нагадаў, што мэта збірання дзяржаўнай пошліны за допуск транспартных сродкаў да дарожнага руху — прыцягнуць усіх карыстальнікаў дарог да фінансавання іх утрымання. Агульная працягласць дарожнай сеткі ў Беларусі дасягае амаль 90 тыс. км, а шчыльнасць — адна з самых высокіх на прасторы СНД.
«Дарэчы, за апошнія 10 гадоў на рамонт і ўтрыманне дарог мы ўбухалі каля 10 мільярдаў рублёў, — заўважыў Лукашэнка. — Але, у адрозненне ад суседніх краін, нават найбуйнейшыя хуткасныя магістралі мы не зрабілі платнымі для беларускіх легкавых аўтамабіляў».
У Беларусі зарэгістравана больш за 4,5 млн транспартных сродкаў. Як адзначыў Лукашэнка, у створаных умовах аўтамабілісты выдатна разумеюць: каб ездзіць па добрых дарогах, патрэбныя грошы на іх утрыманне. «Як вы мне дакладваеце, вывучэнне грамадскай думкі таксама пацвярджае, што неабходнасць удзелу ў суфінансаванні рамонту і будаўніцтва дарог спрэчак не выклікае. Іх выклікае сам механізм выплаты».
Дарожны збор дзейнічае ў краіне з 2014 года. Паводле слоў Лукашэнкі, людзі лічаць, што характар збірання гэтай пошліны не ўлічвае інтэнсіўнасць выкарыстання транспартнага сродку, а значыць, і частату эксплуатацыі дарог. Іншымі словамі, аднолькава плаціць і той, хто намотвае дзясяткі тысяч кіламетраў у год, і пенсіянер, які ў сезон раз у тыдзень ездзіць на лецішча.
«Галоўнае — гэта вопыт!» Лукашэнка назваў, каго бачыць наступным прэзідэнтам12
Каментары