Самымі бяспечнымі для турыстаў краінамі з'яўляюцца паўночныя дзяржавы — Ісландыя, Данія, Нарвегія і Фінляндыя. Да такой высновы прыйшлі спецыялісты медыцынскай і турыстычнай арганізацыі International SOS, якая апублікавала абноўленую карту Travel Risk Map.
Усяго «нязначны» ўзровень рызыкі прысвоены сямі краінам — сярод іх экспертамі таксама былі названыя Швейцарыя, Славенія і Люксембург.
Як адзначаецца ў даследаванні, большая частка Еўропы, Вялікабрытанія, Канада, Аўстралія і ЗША ўвайшлі ў спіс дзяржаў з нізкім узроўнем рызыкі.
Аналітыкі ацэньвалі дзяржавы з пункту гледжання палітычнай нестабільнасці (верагоднасць тэрарызму, мітынгаў, беспарадкаў і войнаў), сацыяльных хваляванняў (уключаючы рэлігійны і этнічны гвалт) і колькасці злачынстваў гвалтоўнага характару і дробнага хуліганства.
Беларусь у гэтым спісе сярод краін з нізкай ступенню рызыкі.
Таксама ў рэйтынгу ўлічвалася надзейнасць транспартнай інфраструктуры, эфектыўнасць службаў бяспекі і экстранных службаў і ўразлівасць тэрыторый да стыхійных бедстваў.
Цяпер чытаюць
Хто такі Мацвей Бяляй, якога нібыта дэпартавалі ў Беларусь? Расказваем гісторыю дзіўнага актывіста з падазроным мінулым3
Каментары