Пра гэта ён заявіў падчас наведвання ў аўторак Стаўбцоўскай цэнтральнай раённай бальніцы, паведамляе БелТА.
Лукашэнка сказаў, што зараз асаблівая ўвага будзе надавацца развіццю міжраённых бальніц. Такіх у Мінскай вобласці чатыры: у Барысаве, Маладзечне, Салігорску і Слуцку. «Мы хочам з навукова-практычных цэнтраў Мінска, з абласных бальніц многія аперацыі перанесці ў міжраённыя бальніцы і раённыя падцягваць», — сказаў ён.
Галоўны доктар бальніцы Святлана Глебка расказала пра лячэнне хворых на каранавірус. Сёння на шпіталізацыі ў ЦРБ знаходзіцца 121 пацыент з COVID-19. Па словах Святланы Глебка, за апошнія некалькі дзён захворванне на каранавірус знізілася. Калі ў лістападзе за суткі рэгістравалася 20 пацыентаў, то апошнія дні — па 12.
«Калі з 20 да 12 ўпала, гэта ўжо добрае падзенне. Дай бог, каб у краіне так было. Будзем спадзявацца, што мы ўсё ж такі выйшлі на гэта плато. Бачыце, ужо пайшло зніжэнне», — адзначыў Аляксандр Лукашэнка.
Паводле звестак Мінздароўя, па стане на панядзелак за суткі было выяўлена 1796 выпадкаў каранавіруса, у нядзелю 1878, а ў суботу быў зафіксаваны рэкорд — 1896.
Падчас вясновай хвалі максімум у дзень складаў, паводле звестак Мінздароўя, 973 выпадкі (29 красавіка).
Цяпер чытаюць
Жалезная заслона ў дзеянні: як зменшылася колькасць перасячэнняў мяжы Беларусі і Еўрасаюза за апошнія годы2
Каментары