Колькасць памерлых ад кавіду ў ЗША перавысіла баявыя страты краіны ў Другой сусветнай
Колькасць грамадзян ЗША, якія памерлі ад новай каранавіруснай інфекцыі, перавысіла ваенныя страты краіны ў Другой сусветнай, піша meduza.io са спасылкай на амерыканскія СМІ.
Паводле звестак Універсітэта Джонса Хопкінса, з пачатку пандэміі ў ЗША ад каранавіруса памерлі ўжо больш за 292 тысячы чалавек.
Па падліках Міністэрства па справах ветэранаў ЗША, у Другой сусветнай вайне, у якую краіна ўступіла ў снежні 1941 года, былі забітыя 291 557 вайскоўцаў. Яшчэ 113 842 амерыканцы загінулі не ў баі.
ЗША застаюцца лідарамі сярод усіх краін свету па колькасці заражэнняў COVID-19. Усяго ў краіне на каранавірус захварэлі ўжо больш за 15,6 млн чалавек. А Сусветная метрыка дае ўжо 16 млн. Прычым у трох штатах колькасць захварэлых перавышае мільён (Каліфорнія — амаль 1,5 млн, Тэхас — 1,5 млн, Фларыда — 1,094 млн).
Цяпер чытаюць
У Мінску завяршылі будаўніцтва пяцізоркавага гатэля на месцы колішняга «Белэкспа»9
У Мінску завяршылі будаўніцтва пяцізоркавага гатэля на месцы колішняга «Белэкспа»
Сумленне, каханне, колы пекла і галівудскі фінал. У сям’і будаўніка і бібліятэкаркі з Пружанскага раёна Ігара і Юліі Лаптановічаў арыштавалі спачатку яго, пасля — яе, а пасля і бабулю33
Каментары