Сын міністра адукацыі разышоўся з жонкай. Бо ён за чырвона-зялёных, а яна — за бел-чырвона-белых
Сын міністра адукацыі Аляксей Карпенка разышоўся з жонкай Юліяй. Прычына: розныя палітычныя погляды ў сям’і.
Яшчэ ў 2019 годзе на выбары ў Палату прадстаўнікоў шчаслівая сям’я датэрмінова ішла на выбары ў поўным складзе: міністр Ігар Карпенка, сын Лёша, нявестка і ўнучка.
Але выбары-2020 сталі кропкай незвароту. Нявестка Юля асудзіла фальсіфікацыі і гвалт у дачыненні да мірных пратэстоўцаў, а яе муж Лёша з бацькам адстойвалі пралукашэнкаўскую пазіцыю.
Юлія нават сышла з дзяржаўнага тэлебачання: яна раней працавала на БТ. Пасля пачала пісаць і здымаць для праекта «Імёны». Жыць пад адным дахам з такімі рознымі ўяўленнямі пра гэта жыццё пара не змагла. Праўда, невядома, ці падалі яны на развод.
Разыходжанне ў поглядах маладых праявілася нават у сацыяльных сетках, калі Аляксей «прыляпіў» да аватаркі налепку з чырвона-залёным сцягам, а Юлія — з бел-чырвона-белым.
«Наша Ніва» спрабавала атрымаць каментар у сям’і Карпенкаў па тэме сямейнага канфлікту. Ні Аляксей, ні яго бацька не адказалі на званкі. А пасля паведамленняў у сацыяльных сетках Аляксей увогуле выдаліў свае старонкі ў фэйсбуку і інстаграме.
Юлія таксама публічна не каментуе сітуацыю. Ці змогуць маладыя сысціся зноў і ўрэгуляваць канфлікт, невядома.
Гэта ўжо не першы разлад у сям’і праз сітуацыю ў краіне. Не так даўно мы пісалі пра спецназаўца, ад якога сышла жонка, якая стала ахвярай цкавання.
Што людзі кажуць аб праездзе праз «Брузгі» і «Бераставіцу» і чаму ў апошняй стаяць па 12 гадзін6
Што людзі кажуць аб праездзе праз «Брузгі» і «Бераставіцу» і чаму ў апошняй стаяць па 12 гадзін
«Наіўна спадзяваліся зарабляць у Еўропах, прыязджаць дадому лячыць зубы на халяву і здаваць кватэру». Прапаганда пачала апраўдваць дарагія жыроўкі для «дармаедаў»1919
Каментары