Суд Цэнтральнага раёна сталіцы пачаў разглядаць чарговую крымінальную справу аб масавых беспарадках. Яе асаблівасць у тым, што абвінавачаны — той самы хлопец, якога 9 жніўня ў раёне стэлы збіў аўтазак і якога першы час нават лічылі загінулым. Аказалася, пасля здарэння ён трапіў з траўмамі ў бальніцу, а затым быў змешчаны пад варту. Хлопцу можа пагражаць да трох гадоў пазбаўлення волі, піша Tut.by.
«Выйшаў на праезную частку і заскочыў на МАЗ»
Справу разглядае суддзя Вікторыя Шабуня. Абараняе абвінавачанага адвакат Дзмітрый Лазавік.
Абвінавачаны Ягор Сугойдзь у турме сустрэў дзень нараджэння — у снежні яму споўніўся 31 год. Мужчына расказаў, што родам ён з Мінска, мае сярэдне-спецыяльную адукацыю, халасты, дзяцей няма, раней не судзімы. На момант суда працы ён ужо не меў.
Дзяржабвінаваўца паведаміў, што 9 жніўня мінулага года каля 20.00−23.00 Сугойдзь у стане алкагольнага ап'янення ўзяў актыўны ўдзел у групавых несанкцыянаваных масавых дзеяннях. Удзельнікі групы былі незадаволеныя падзеямі грамадска-палітычнага жыцця краіны, прыцягвалі да сябе ўвагу тым, што рухаліся па пешаходнай і праезнай частках дарогі. Пры сабе мелі плакаты, транспаранты, сцягі.
Сам Ягор Сугойдзь выйшаў на праезную частку вуліцы і заскочыў на МАЗ па канваяванні. Яго дзеянні пацягнулі парушэнне грамадскага парадку, а таксама перашкодзілі руху грамадскага транспарту. Дзеянні абвінавачанага кваліфікаваныя следствам па ч. 1 арт. 342 КК Беларусі. Максімальная санкцыя артыкула прадугледжвае пазбаўленне волі на тэрмін да 3 гадоў.
Абвінавачаны віну прызнаў часткова: на мітынгу быў, з тым, што скакаў на МАЗ, — не згодны.
Падзеі, з-за якіх Ягор Сугойдзь стаў абвінавачаным па крымінальнай справе, адбыліся 9 жніўня — у першы дзень пратэстаў пасля прэзідэнцкіх выбараў. Як потым распавёў адзін з відавочцаў, аўтазак пад'ехаў да пратэстоўцаў са спіны, калі яны стаялі тварам да стэлы, насупраць сілавікоў са шчытамі. Спецаўтамабіль спачатку ледзь прытармазіў, а потым газануў і паехаў на людзей. Пры гэтым ён ніякіх папераджальных сігналаў не падаваў. Момант здарэння зафіксаваны на відэакамеру.
-
У мінскія крамы завезлі экзатычныя плады з Калумбіі
-
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі
-
Як цяпер выглядае старадаўні касцёл, на выратаванне якога дзяржава збірае ахвяраванні ФОТЫ
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі54
Каментары