Вакцына ад каранавіруса кампаніі AstraZeneca з'яўляецца бяспечнай і эфектыўнай. Да такой высновы прыйшло Еўрапейскае агенцтва лекавых сродкаў (EMA), паведамляе meduza.io.
У пастанове рэгулятара гаворыцца, што перавагі вакцыны большыя за рызыку пабочных эфектаў, што яна не прыводзіць да павелічэння рызыкі ўтварэння тромбаў, а таксама што няма доказаў таго, што з'яўленне тромбаў можа быць звязана з канкрэтнымі партыямі вакцыны.
У той жа час у EMA прызналі, што «ў вельмі рэдкіх выпадках» вакцына можа быць звязаная з утварэннем тромбаў, выкліканым нізкім узроўнем трамбацытаў.
У сярэдзіне сакавіка вялікая частка краін Еўропы прыпыніла вакцынацыю прэпаратам ад AstraZeneca пасля з'яўлення даных аб тромбах у людзей, якія прайшлі вакцынацыю.
СААЗ 16 сакавіка палічыла вакцыну AstraZeneca бяспечнай і рэкамендавала працягваць яе выкарыстанне. 18 сакавіка з аналагічнымі высновамі выступілі медыцынскія рэгулятары Вялікабрытаніі і Нідэрландаў.
Каментары