Пацыентам, у якіх зафіксавана абвастрэнне крапіўніцы і кан'юктывіту, а таксама вострае цячэнне любых іншых хвароб, не варта прышчапляцца ад каранавіруса вакцынай «Спутнік V» да нармалізацыі стану.
Такія супрацьпаказанні для вакцынацыі назваў дырэктар НДЦ эпідэміялогіі і мікрабіялогіі імя Гамалеі Аляксандр Гінцбург у размове з РІА «Навіны», піша lenta.ru.
Паводле яго слоў, у такіх выпадках вакцынацыю варта адкласці на два тыдні.
У той жа час Гінцбург падкрэсліў, што бранхіяльная астма, сардэчна-сасудзістыя захворванні, гепатыт С, а таксама анкалагічныя захворванні ў стадыі рэмісіі не з'яўляюцца супрацьпаказаннямі для атрымання прышчэпкі.
«Кардыяхворых з паталогіяй трэба ў першую чаргу вакцынаваць. Бо, калі яны заразяцца, яны ў першай групе рызыкі —дыябетыкі, кардыяхворыя», — заявіў ён, заклікаўшы такіх пацыентаў зрабіць прышчэпку як мага хутчэй.
Сілавікі расказалі, як гродзенскія блогеры трацілі мільён, сабраны нібыта на лячэнне дзіцяці5
Каментары