Здарэнне адбылося ў суботу каля 9.10 раніцы, паведамляе ДАІ ў сваім тэлеграм-канале.
31-гадовая дзяўчына на «Сузукі» рухалася па прылеглай тэрыторыі і каля дома №119 па праспекце Дзяржынскага ў Мінску ўрэзалася ў прыпаркаваны «Опель».
Ад удару апошні адкінула на прыпынак грамадскага транспарту. Па шчаслівай выпадковасці ніхто не пацярпеў.
Вядома, што дзяўчына кіравала аўтамабілем у стане алкагольнага ап'янення — выяўлена 2,47 праміле алкаголю.
Каментары