«Разаб'ём галаву аб стальную сцяну»: Сі Цзіньпін перасцярог Захад ад павучанняў
«Старшыня КНР Сі Цзіньпін у прамове з нагоды стагоддзя кіруючай Камуністычнай партыі заявіў, што Кітай не прыгнятае іншыя краіны, і прыгразіў «разбіць галаву ў кроў аб стальную сцяну» тым, хто ўмешваецца ў яго ўнутраныя справы.
«Сіньхуа»
Словы кітайскага кіраўніка прагучалі на фоне заходняй крытыкі палітыкі Кітая ў Сіньцзяне, якую ў Вашынгтоне называюць генацыдам, і ў Ганконгу, дзе з мінулага лета ў жыхароў фактычна адабралі большасць свабод, якімі яны раней карысталіся, піша Бі-бі-сі.
Канфрантацыя паміж Кітаем і ЗША абвастраецца і з-за Тайваня, які Пекін лічыць мяцежнай правінцыяй. Амерыканскі закон абавязвае Вашынгтон аказаць Тайбэю ваенную дапамогу, калі Кітай паспрабуе ўсталяваць кантроль над Тайванем сілай.
Сі Цзіньпін у чацвер заявіў, што Кітай захоўвае «непахісную прыхільнасць» уз'яднання з Тайванем. «Ніхто не павінен недаацэньваць рашучасць, волю і здольнасць кітайскага народа абараніць свой суверэнітэт і тэрытарыяльную цэласнасць», — падкрэсліў Сі.
Выступленне Генеральнага сакратара суправаджалася бурнымі апладысментамі 70 тысяч спецыяльна адабраных гледачоў на плошчы Цяньаньмэнь у Пекіне.
Цяпер чытаюць
«Я быў у такой дупе, але паглядзіце на мяне». Стаўкі давялі беларуса да дна — ён расказвае, як выбраўся назад2
Каментары